هدول الناس الي احنا ما بنقدر طيبتهم و بنحكيلهم ( منغوليين) هم الطف ناس و اكتر ناس عايشين عطبيعتهم و ما بتصنعوا ولا بضحكوا عبعض ... لو سألنا حالنا : هدول ليش هيك ؟؟ الجواب الي عند الناس الجاهله بصيروا يقولو علاقات غير شرعيه او اي كلام غلط بكون الهدف منو الاستهزاء و تشويه صورة هدول الناس... الجواب ببساطه هو خلل جيني ما الو علاقه بأي اشي غير تكوين جينات الشخص و بكون عندو ٤٧ كروموسوم بدل ٤٦ زينا يعني فعليا هو عندو اكتر منا يعني ممكن يكونو احسن و اذكى منا بس احنا ما بنعطيهم فرصه ليورجونا مواهبهم و قدراتهم ،... هدول الناس مستحيل يكذبوا ،مستحيل تشوفهم مش مبتسمين، مستحيل يحكولك كلمه مش حلوه .... بحقوا الحقيقه و الواقع بدون مجاملات بس احنا بنزعل من حدا منهم اذا قالوا لحدا منا انتا ناصح مثلا ،،،، طب مهو انتا ناصح يعني هو ما بستهزء فيك انتا عنجد ناصح و هو بحكي في الحقيقه فليش لتزعل؟؟؟؟ طب تخيلو معي لو دمجناهم في الحياه تبعتنا يا ترا كيف رح يتأقلموا معنا ؟؟ اكيد اذا اعطيناهم فرصه ليعيشو معنا و زينا رح يسبقونا لانهم عايشين صح في عالمهم الخاص و لو بنراقبهم بنخجل من حالنا كيف احنا عايشين ... هم بزبطوا دكاتره بزبطو اساتذه بزبط يشتغلوا اي شي حتى في منهم الي بعزف و الي بغني و الي عندو موهبه... ممكن نشوف عندهم صعوبه في النطق او صعوبه في المشي طب ما في منا ناس بلدغوا في بعض الحروف و في منا ناس عندهم مشاكل في مشيتهم شو الفرق بينا و بينهم يعني؟؟؟؟... خلينا نناديهم باسمائهم و نحكيلهم كلام حلو لنسعدهم و يا ريت ما نحكيلهم مرضى او منغولين ... و عفكره حكينا مش فارق معهم لانو هم اكتر ناس مطبقين القاعده الاولى للنجاح الي هي عدم الاكتراث بكلام الاخرين و ما بتأثرو بكلامنا فلو حكينا حكي حلو او حكي مش حلو مش فارقه معهم فليش ما نخلي كل كلامنا حلو؟؟؟ خلينا ندمجهم معنا، خلينا نكسر حاجز التفريق الي بينا و بينهم، خلينا نعيش الحياه بدون تكبر او غرور، خلينا نضل متفائلين انو هدول الناس انخلقوا لغرض معين مش عالاضي اكيد فخلونا نعطيهم فرصه لنشوف شو بقدروا يسوو.... خلونا نحترم الكل لو ما كانو زينا ...