. يلّي رماك الهوى ..بخمر الحلى صافي ..زيد الخمر بالخمر ..واشرح بأوصافي ..يابو جدايل حلأ ..يابو ورد غرّة ..عيونك نهر عطشان وصقصاف يتمرّى ..,تاهوا الصبايا بعطر غرقوا بطريق الليل ..تاري القمر سهران وعاشق فرس بالخيل ..مشيوا على موج البحر ..حنّ البحر واشتاق ..جنت سفاين للسفر ..لقت البحر مافي .. نامي على صدري أنا ..ياشام لا تخاقي ..
طلع الحلو ع الصبح قلّوا صباح الخير 
تاري الصبح والقمر نايم بجنح الطير
طار الحمام بالسما وخلّا الورد زعلان
قطف من ورد السما نجمة بدمع غزلان
ولمّا ارتسمت بالعلم صار العلم غالي
وصار بسما يلالي
إن كنّك عاذل بالهوى اتعمشق على حبالي
وان كنّك فاهم بالغرام اتركني لحالي
وان كنّك شاعر ترسمني
من راسي لخلخالي ....ياخالي

(من قصيدة نامي على صدري أنا )